SundaNet.com

Hasil Pencarian

NADOMAN NURUL HIKMAH, DARAS I (bagian 4)Al Baqarah (Surat Kadua) - Ayat 51 d/k 66

17 Feb 2003 - 5:45 am

31. ULAH NURUTAN JELEMA ANU DOLIM (:2/51,52) - rhs, 1 Syawal 1421 H

• Nu dolim tong diturutan, baheula geus kaalaman,
  umat jaman Nabi Musa, nyarembah arca berhala.
  
• Padahal geus dielingan, ku Nabi Musa utusan,
  dina Toret geus diserat, Alloh maparin amanat.
  
• Urang ge jaman ayeuna, kade ulah kitu peta,
  gawe ngumpul-ngumpul harta, harta dijieun berhala.
  
• Mun rumaos nyorang lepat, atuh kedah gancang tobat,
  da Alloh mah Maha Heman, ngahapunten kalepatan.
  

NADOMAN NURUL HIKMAH, DARAS I (bagian 2)Al Baqarah (Surat Kadua) - Ayat 19 d/k 30

20 Dec 2002 - 1:11 am

11. CAHAYA KILAT SAJORELAT (:2/19) - rhs, 2 Syawal 1421 H

• Pareng leumpang tengah peuting, poek mongkleng sepi jempling,
  ngadadak baranyay kilat, serab kilat sajorelat.
  
• Jelebet sorana tarik, dunya eundeur rek tibalik,
  tinggorowok tingkoceak, asa kiamat ngadadak.
  
• Gelap dor-dar tingjelegur, dunya asa arek lebur,
  nu munapek tingjarerit, sieun maot jadi mayit.
  
• Careurik aluk-alukan, anak bojo dicalukan,
  tapi taya nu nembalan, hayang salamet sorangan.
  
• Kitu misil nu munapek, leumpang ngatog di nu poek,
  uyup-ayap rungah-ringeuh, hatena tagiwur riweuh.
  
• Nu munapek lolong hate, teu apal goreng jeung hade,
  cilaka estu cilaka, nu munapek ka naraka.
  
• Alloh Nu Maha Ngamurba, ngamurba ka sadayana,
  sadaya mahluk Mantenna, Alloh Nu Maha Kawasa.
  

TALAGA BAGENDITKu: R. Satjadibrata

11 Jul 2002 - 7:40 am

Baheula, geus rebuan taun ka tukang, aya hiji randa beunghar katelah Nyi Endit. Ieu the saenyana mah nenehna, da ngaranna sajati mah Nyi Bagendit. Manehna the kacida pisan kumedna. Geus taya nu bireuk deui kana kakumedanana. Salian ti pakacar-pakacarna mah tara aya nu lar sup ka imahna. Estuning lain babasan eta mah nirup nyorangan the. Kajaba ti teu aya nu ngawawuhan, Nyi Endit the memang jalma nunggul pinang, geus teu kadang warga, hirup the estu nunggelis. Ari beungharna tea mah tetela. Beh kebonna beh sawahna, imahna ge panggedena di salembur eta mah. Turug-turug ngahaja mencilkeun maneh, ngababakan di tengah pasawahan, nu upluk-aplak. Maksudna teu aya lain, ku bawaning embung campur jeung babaturan, da sieun kasoro tea. Teu kitu mah atuh moal disebut medit.

Dongeng Sasakala: SELAT SUNDA JEUNG GUNUNG KRAKATAU

1 Mar 2002 - 2:31 am

Jaman baheula di pulo Jawa beulah Kulon, ngadeg hiji karajaan nu diratuan ku Prabu Rakata. Sang Prabu kagungan putra dua. Anu cikal jenengan Raden Sundana, anu bungsu Raden Tapobrana. Harita mah Pulo Jawa sareng Sumatera teh ngahiji.

Ku margi Prabu Rakata parantos sepuh pisan, teras masrahkeun karajaan ka putra-putrana. Karajaan teh dibagi dua. Anu palih Wetan ka Raden Sundana, nu palih Kulon ka Raden Tapobrana.

HAMBURGER, BASO, YAKINIKU JEUNG SINDANG RERETKu: Achmad Roestandi

26 Feb 2002 - 2:32 am

Kiwari kasaksian ku sarerea, dahareun anu khas Sunda mimiti kasilih ku dahareun bangsa deungeun, kayaning baso, siomay, bapau, hamburger, fried chicken, yakiniku, sabu-sabu, tempura jeung sabangsana. Sedengkeun lotek (ketang bisa jadi baheula mah lotek ge lain khas Sunda, da ngaranna ge bau-bau Cina, ngan ku proses akulturasi jeung asimilasi ayeuna geus jadi kadaharan khas Sunda), karedok, angeun haseum, sarupaning papaisan, pindang, opak sanajan aya keneh nu ngajual tapi di kota mah geus eleh ku kaolahan deungeun-deungeun. Malah sigana mah, barudak Sunda ayeuna, boa-boa geus moal wawuheun kana cuhcur, angleng atawa gurandil teh.